Акыркы макалалар

Күн чыгыш өлкөсүндө автоунаа өндүрүү тармагын багындырып жаткан айдаркендик Айчүрөк тууралуу 18 факты

30/04/2021, 16:13
Айчүрөк  Мамажанова 10 жылдан ашуун убактан бери күн чыгыш өлкөсүндө жашап, Mitsubishi автоунаа өндүрүү компаниясында ийгиликтүү карьера куруп келет. Өзүңдүн күчтүү жана алсыз тараптарыңды билүү менен мүмкүн эмес болгон нерсенин бардыгын жасоого болот деген каарманыбыз Жапонияга 20 жашында жергиликтүү элдин тилин билбестен эле сапар алган. Тырышчаактык мүнөзүнүн арты менен окуусун ийгиликтүү аяктап, иштеп аны менен бирге балдарына татыктуу тарбия берип келе жаткан Айча тууралуу бул жана башка кызыктуу фактыларды төмөндөгү материалдан таба аласыз.

АКШдагы ири банктардын бири Citi Bank’та программист болуп эмгектенген Азамат тажрыйбалары менен бөлүшөт

30/04/2021, 11:19
Азамат Дүйшөнкулов АКШдагы 2 кылымдык тарыхы бар эл аралык ири корпорациялардын бири Citi Bank’та тесттен өткөрүүчү болуп иштейт. Келечекте мыкты developer (иштеп чыгуучу) болууну көздөп жаткан Азамат программалоону кыска мөөнөттүү курстардан үйрөнүп, дароо эле ири компанияга жумушка орношо алган. Бүгүн биз Азамат менен бүгүнкү күндө IT тармагында кайсы багыттар жана кайсы тилдер актуалдуу болуп жаткандыгы туурасында баарлаштык. Эгер программалоого кызыгып жүргөн болсоңуз, анда бул макала сиз үчүн!

Эл аралык олимпиадалардын жеңүүчүсү, Түркиянын эң алдыңкы окуу жайы METU’нун бүтүрүүчүсү Сагынбек Microsoft үчүн программаларды жазат

30/04/2021, 11:08
Сагынбек Кенжебаев 23 жашта. Ал республикалык жана эл аралык олимпиадалардын катышуучусу жана Түркиянын эң алдыңкы окуу жайы Жакынкы Чыгыш техникалык университетинин (METU) бүтүрүүчүсү. Сагынбек окуу жайды аяктаганына аз гана убакыт болгонуна карабастан, IT рынокто өз ордун таба алган уникалдуу стартаптын мүчөсү болууга жетишкен. Төмөндөгү маекте каарманыбыз Түркияда билим алуунун өзгөчөлүктөрү жана IT тармагында ийгиликке жетүү үчүн адам кандай сапаттарга ээ болушу керек экендиги боюнча ой бөлүштү.

Терек-Суу айылынан Санта Клаустун мекени Лапландияга чейин укмуштуудай жолду басып өткөн кыргыз кызы

29/04/2021, 12:35
Бүгүнкү каарманыбыз Наргиза Жетигенова Терек-Суу айылынан Санта Клаустун мекени болгон Лапландияга чейин укмуштуудай жолду басып өткөн. Ал алгач тропикалык өлкөлөрдүн бири Малайзияда туризм багытында билим алган. Окуп, ошол эле маалда иштеп өзүнүн керектөөлөрүн өзү каржылоого үйрөнгөн Наргиза Малайзияда 7 жыл жашаган соң мекенине кайтып келген. Андан соң ак карлуу Финляндияга сапар алып, ал жакта муз жаруучу компанияда гид болуп иштеген. Учурда Central Asia Guide аттуу Борбор Азияны туристтерге таанытуучу порталдын үстүндө иштеп жатат. Чет өлкөдө жашап жатканына бир канча жыл болгонуна карабастан, кыргыз салттарын бекем сактаган Наргиза Түндүк Европадан Кыргызстанга көбүрөөк турист тартууну көздөөдө.

Гарвард университетинин бүтүрүүчүсү Ильяс Бешимов Силикон өрөөнүндө Celential уникалдуу стартабын ишке киргизди

29/04/2021, 11:41
“Гарвард университети келечекке чоң максаттарды коюудан коркпой, ар дайым мыкты болууга умтулуу керек деген түшүнүгү менен баалуу!". Ильяс Бешимов дүйнөдөгү эң мыкты үч университеттин бири Гарвард университетине тапшырып, окуу жайдан чоң каржылык колдоо алган. Университетти аяктаган соң Силикон өрөөнүндө адамдардын артыкчылыктарына жараша жумуш табуусуна жардам берүүчү Celential стартабын ишке киргизген. Англиядагы Bradford университетинен дагы билим алууга жетишкен Ильяс Limon.kg’ге берген маегинде Американын жана Европанын билим берүү системасындагы өзгөчөлүктөр, алгачкы ишкердик аракеттери, Гарвард университетине тапшыруу процесси тууралуу айтып берди.

АКШ, Кытай жана Россия сыяктуу дүйнөлүк ири державаларда билим алган Гүлзари эл аралык TUZ Ventures компаниясында аналитик болуп эмгектенет

29/04/2021, 10:25
Гүлзари Турсунова өтө чечкиндүү, энергияга бай жана дымактуу адам. Бул сапаттарынын арты менен ал Global Ugrad программасы аркылуу АКШда, андан соң студент алмашуу программасы аркылуу Москвада Экономика жогорку мектебинде билим алууга жетишкен. Университетти аяктаган соң Кытайга магистратурага тапшырып, учурда диссертациялык ишин жазып жаткан чагы. Аны менен бирге эл аралык TUZ Ventures компаниясында аналитик болуп иштеп жатат. Кыргызстанда IT тармагын өнүктүрүүнү пландап жаткан каарманыбыз төмөндөгү маекте чет өлкөдө билим алуу боюнча тажрыйбалары менен бөлүштү.

Дипломат, учкуч жана программист: Эки кесипте жолу болбой, акыры өзүн IT тармагында тапкан Чыңгыз

27/04/2021, 13:53
Чыңгыз Монокбаев EPAM компаниясынын Минск шаарындагы кеңсесинде эмгектенет. Ал программалоону өз алдынча үйрөнгөн, кесиби боюнча дипломат жана учкуч. Тагдырдын буйругу менен өзүн программалоодо тапкан каарманыбыз бизге берген маегинде кыска убакыттын ичинде программалоону кантип үйрөнсө болоору жана эмне үчүн IT адистерине суроо-талап күч болуп жаткандыгы тууралуу ой бөлүштү.

Улуу Британиянын өкмөтүнө пандемиядан кийинки кризистен чыгууга жардам берген кыргызстандык аудитор Улукбек Келгенбаев

27/04/2021, 11:06
Улукбек Келгенбаев абройлуу Deloitte консалтингдик жана аудитордук компаниясынын Лондондогу кеңсесинде иштейт. Биз Улукбек менен алгач 2015-жылы карьерасын жаңыдан түптөп баштаганда маектешкен элек. Андан бери анын жашоосунда бир топ өзгөрүүлөр болуп, компаниянын башкы кеңсесинин биригүү жана сатып алуулар бөлүмүнө (M&A - merger and acquisition) которулган экен. Ал компанияларга жана жеке инвесторлорго стратегиялык чечимдерди кабыл алууга жардам берет. Англия өкмөтү Deloitte компаниясын коронавирус пандемиясынын шартында консультациялык кызмат көрсөтүү үчүн жалдаган. Мекендешибиз аталган топтун мүчөсү катары, өкмөттүн кризистен чыгуу боюнча программасын иштеп чыгууга жардам берген.

Курулуш иштеринде иштеп жүрүп, өзүнө акыл эмгеги менен акча табууга сөз берген Айбек Phillips компаниясында IT иштеп чыгуучу болуп эмгектенет

23/04/2021, 12:13
Дастан Айбек Phillips компаниясында Salesforce иштеп чыгуучу болуп эмгектенет. Ал Чехия айыл чарба университетинде информатика багытында билим алган. Чет өлкөдө жумуш табуу оңой болбогондугун айткан каарманыбыз убагында түйшүгү түмөн курулуш иштеринде, ар кандай кампаларда иштеген. Андан соң Salesforce (кардарлар менен мамилени башкаруу тутуму) курстарына барып, анын арты менен кыска убакыттын ичинде жүрөк клапанын иштеп чыгуучу алдыңкы компаниялардын бири Edwards Lifesciences компаниясына жумушка орношо алган.

Мотивациялык катты жазууда эмнеге көңүл буруу керек? MIT’нин бүтүрүүчүсү Чынара Сапарова жооп берет

23/04/2021, 11:02
Массачусетс технологиялык институту (MIT) - дүйнөдөгү жана АКШдагы эң престиждүү технологиялык окуу жайлардын бири. Бул окуу жайдын бир жылдык орточо окуу акысы арзандутуусуз 70 240$, ал эми арзандатуу менен 20 771$ды түзөт. Бул сумма көптөрдү чочутушу мүмкүн. Бирок биздин каарманыбыз Чынара Сапарова өзүнүн мисалында каржылоо булагын таап, дүйнөнүн эң мыкты окуу жайында бекер билим алса болорун далилдеп берди. Ал MIT’де билим алуу үчүн Hubert Humphrey Fellowship программасынан грант утуп алган. Ал эми чет өлкөлүк окуу жайлардан, анын ичинде MIT’ден грант алуу үчүн маанилүү факторлордун бири болуп мотивациялык катты туура жазуу эсептелет. Төмөндөгү макалада Чынара Сапарова мотивациялык кат жазуу боюнча тажрыйбалары менен бөлүшүп, анда эмнелерге көңүл буруу керектигин айтып берди.

Google компаниясынын Токиодогу кеңсесинде эмгектенген кыргызстандык Азамат тууралуу 15 факты

23/04/2021, 10:15
Азамат Google компаниясынын Токиодогу кеңсесинде иштейт. Томас Эдисон айтмакчы, ийгилик 1% талант жана 99% эмгек менен келет эмеспи. Азамат мына ушул сөздүн жандуу мисалы. Ал кыялданбайт, жөн гана максат коюп, максатына жетүү үчүн аракет кылат. Google’да иштөө дагы кыялы эмес, максаты болгондугун айткан Азамат тууралуу бул жана башка кызыктуу фактыларды төмөндөгү материалдан таба аласыз.

Кыргызстанда курулуш тармагына өзгөртүү киргизүү үчүн Дубайдагы жогорку маяналуу жумушун таштап, мекенине кайтып келген Айбек Умаров

22/04/2021, 13:23
Айбек Умаров – архитектор. Ал убагында Москвада, Астанада, Минскте, Түркияда жана Дубайда бир канча ири долбоорлордо иштеп, жетекчилик кызматтарды аркалап келген. Чет жерде 10 жылдан ашуун убакыт иштеп, эбегейсиз тажрыйба топтогон соң мекенге кайтууну чечкен Айбек Кыргызстанда курулуп жаткан имараттардын бардыгы бири-бирине окшош экендигин, бул тармакка өзгөртүү киргизүү үчүн достору менен жаңы идеялардын үстүндө иштеп жаткандыгын айтат. Мекенине кайтып келүү үчүн Дубайдагы жогорку маяналуу жумушунан баш тарткан каарманыбыздын буга чейин кандай долбоорлордо иштегендигин жана алдыга кандай пландары бар экендигин төмөндөгү маектен биле аласыз.

XXI кылымдын кирешелүү кесибин өздөштүр: Бишкек шаарындагы IT курстарынын тизмеси

22/04/2021, 12:08
Акыркы жылдары программисттик кесип эң көп талап кылынган жана маянасы жогору адистиктердин бири болуп калды. Перспективдүү IT иштеп чыгуучуларына (разработчик) болгон суроо-талап күн сайын өсүүдө. Бул тармактын өзгөчөлүктөрүнүн бири төрт жылдык билимди талап кылбагандыгында. Демек, IT тармагынына кирүүнү каалагандар кыска мөөнөттүү курстарга барып, андан соң кесиптик карьерасын баштай берсе болот. Биздин каармандарыбыздын арасында маалымат технологиялары дүйнөсүнө дал ушул жол менен кирип, дүйнөлүк ири компанияларды багындырып жаткандары дагы аз эмес. Төмөндө биз Бишкек шаарындагы программалоону үйрөтүүчү борборлордун тизмесин топтодук. Бул курстарда IT тармагы боюнча баштапкы билимге ээ болуп, практикалык көндүмдөрдү өздөштүрө аласыз. Алардын айрымдары курсту аяктаган соң жумушка орношууга кепилдик берип, резюме даярдоо, маектешүүгө даярдануу боюнча мастер-класстарды өткөрүп турушат.

Бүтүндөй СССРди дүңгүрөткөн кыргыз балети: Канаданын, Англиянын, Россиянын жана Казакстандын сахналарын багындырган балет артисти Элдияр Данияров

21/04/2021, 10:49
Элдияр Данияров Канадада Atlantic ballet of Canada театрында директордун ассистенти болуп эмгектенет. Буга чейин ал аталган театрда балет артисти катары 6 сезон иштеген. Элдияр Мелис Асылбашев, Берик Алимбаев, Булат Аюханов өңдүү дүйнөгө таанымал, гениалдуу хореографтардан сабак калган. Өзүнүн таланты менен Moscow City балетин, Санкт-Петербургдагы Б. Эйфман театрын багындырган каарманыбыз америкалык хореографтар менен дагы иштешип, Лондондо чет өлкөдөн чакырылган солист катары бийлөөгө дагы жетишкен. Бүгүн биз Элдияр менен кыргыз балетинин кечээгиси, бүгүнү жана эртеңи тууралуу баарлаштык.

Стэнфорд университетинде эмгектенген кыргызстандык Акниет Рысбек кызы менен онлайн жолугушуу өтөт

19/04/2021, 15:49
2021-жылдын 23-апрелинде Стэнфорд университетинде эмгектенген кыргызстандык Акниет Рысбек кызы менен онлайн жолугушуу өтөт. Жолугушууда ал Стэнфорд университетинен стипендия алуунун жолдору тууралуу айтып берип, катышуучулардын суроолоруна жооп бермекчи. Жолугушууга катышууну каалагандар төмөндөгү Google-форманы толтуруп жиберүүлөрү керек.

Чикагодо өз алдынча бизнес баштап, эми мекендештерине жардам берип жаткан баткендик Байсалбек тууралуу 18 факты

16/04/2021, 18:24
Байсалбек Абабакир уулу тубаса ишкер. Анын АКШда ар түрдүү багыттагы бир канча бизнеси бар. Ишкердик менен бирге бизнес жана финансылык сабаттуулук боюнча китептерди жазып жүргөн Байсалбек океандын ары жагында мекендештерине дагы жардам берип келет. Төмөндө биз Америкада бизнестин көзүн тапкан бул мекендешибиз тууралуу кызыктуу фактыларды топтодук.

Калый Молдобасанов, Муратбек Бегалиевдин кайрыктары менен Американы багындырып жаткан Нурмира Салимбаева тууралуу 19 факты

16/04/2021, 17:57
Нурмира Салимбаева Америкада кыргыз музыкасын таанытып келе жаткан мекендештерибиздин бири. Белгилүү музыкант болуу кыялы менен бир убактарда океандын ары жагын көздөй сапар алган каарманыбыз алгач тил билбегендиктен, көп кыйынчылыктарды башынан өткөргөн. Ошого карабастан кыялынан баш тартпай жүрүп, акыры магистратурага тапшырып, аны аяктаган соң АКШнын белгилүү сахналарында өз өнөрүн көрсөтүүгө жетишкен.

Түштүк Кореядагы эң алдыңкы окуу жайлардын бири UNIST’те билим алган Тынычбек роботторду иштеп чыгуучу Robots and Design компаниясында менеджер болуп эмгектенет

16/04/2021, 17:03

Тынычбек Жапаров – эл аралык олимпиадаларда  Кыргызстандын намысын коргоп жүргөн жигиттердин бири. Ал химия сабагы боюнча бир канча жолу шаардык, облустук жана республикалык олимпиадаларда 1-орундду ээлеп, эл аралык олимпадаларга жолдомо алган. Мына ушул жеңиштери ага Түштүк Кореядагы мыкты окуу жайлардын бири UNISTке тапшырууга жардам берген. Учурда ал окуу жайды ийгиликтүү аяктап, инновациялык Robots and Design компаниясында эмгектенип жатат. Аны менен бирге өз алдынча уникалдуу стартаптын үстүндө иштөөдө. Тынычбек төмөндөгү маекте тажрыйбалары, келечектеги пландары менен бөлүшүп, үстүндө иштеп жактан стартап тууралуу кеңири баяндап берди.

Гарвард университетинде ким, кантип акысыз билим ала алат? Талаптардын тизмеси

16/04/2021, 12:39
Гарвард университети – Американын жана дүйнөнүн тарыхындагы эң байыркы жана белгилүү университеттердин бири. Бул окуу жайда Жон Кеннеди, кичүү Жорж Буш, Барак Обама өңдүү Америка Кошмо Штаттарынын сегиз президенти билим алган. Ошондой эле Гарвард университетинин жүздөн ашуун бүтүрүүчүсү Нобель сыйлыгынын лауреаты болгон. Facebook социалдык тармагынын негиздөөчүсү Марк Цукерберг менен дүйнөнүн эң бай адамдарынын сап башында турган Билл Гейтстин ысымы дагы дал ушул окуу жай менен байланыштуу.

Cisco компаниясынын инженери Каныкей Өмүрзакова коомдук ишмердүүлүгү үчүн Обамадан ыраазычылык катын алган

16/04/2021, 12:24
Биздин бүгүнкү каарманыбыз Каныкей Өмүрзакова активист студенттен дүйнө жүзү боюнча интернет байланышын камсыз кылган  ири компаниянын тармактык инженери кызматына чейин укмуштуудай жолду басып өткөн. Эки баланын энеси болгон соң кесибин алмаштырууну чечип, IT тармагында бараандуу ийгиликтерди жаратып келе жаткан Каныкей учурда үй-бүлөсү менен Түндүк Каролина штатында жашап, иштейт. Өзүңдү жаңы тармакта сынап көрүүгө эч убакта кеч болбостугун өз мисалында далилдеп келе жаткан каарманыбыз бизге берген маегинде IT тармагынын өзгөчөлүктөрү жана келечектеги пландары тууралуу ой бөлүштү.

Кыргызстандын жарандарын чет өлкөгө окууга жөнөтүүчү уюмдардын тизмеси

16/04/2021, 11:39

Чет өлкөдө билим алууну кыялданып жүрөсүзбү? Анда кыялыңызды ишке ашыруунун убактысы келди! Limon.kg’нин каармандары ар бир чыгарылыш сайын жөнөкөй студент болуп туруп деле өжөрлүк менен аракет кылса, Асель Сартбаевага окшоп Кембридж университетинен грант алса болорун же Чолпонбек Жумашүкүров сыңары Гарвард университетинен магистр даражасына ээ болсо болорун далилдеп келишет.

Төмөндө биз Кыргызстандын жарандарына чет өлкөгө окууга тапшырууга жана грант алууга жардам берип келе жактан уюмдардын тизмесин түздүк. Анда уюмдардын кайсы өлкөлөргө окууга жөнөтөрү, бул рынокто канча жылдан бери иш алып бара жатканы, дареги, байланыш телефону, кызматтардын акысы жана кандай курстарды сунуштары көрсөтүлгөн.

Канадада авиация тармагын багындырып жаткан кыргызстандык учкуч

13/04/2021, 14:32
Кыйынчылыктар аркылуу жылдыздарга! Бактыяр Аманбеков өзгөчө кесиптердин бирин аркалайт. Ал учкуч. Бала кезинде авиция тармагына кызыкканы менен учкуч болууну кыялданбагандыгын айткан каарманыбыз Кандададагы Aviation courses авиация мектебинде билим алууда. “Келечекте Боингдин капитаны болгум келет" деген Бактыяр бүгүн өзүнүн максаттары, учкучтун узак сапары жана Канада маданиятынын өзгөчөлүктөрү жөнүндө Limon.kg’нин редакциясы менен ой бөлүштү.

Чет өлкөдө бекер билим алуу мүмкүнчүлүгүн берүүчү стипендиялык программалар (тизме)

13/04/2021, 13:29
Чет өлкөдө билим алуу көпчүлүк жаштардын кыялы. Бирок буга бардык эле адамдын финансылык мүмкүнчүлүгү жол бере бербейт. Ошентсе дагы бул кыялыңдан баш тартууга себеп эмес. Каалоосу күчтүү адам кандай болбосун, максатына жетүүнүн жолун табат. Ал эми чет өлкөдө билим алууну максат койгондорго стипендиялык программалар жардамга келет.

IELTS жана TOEFL сынактарын тапшырууну пландап жатасызбы? Анда бул тизмеге баш багып көрүңүз. Бишкектеги англис тили курстарынын тизмеси

09/04/2021, 13:36
Бүгүнкү күндө тилдик барьерди жеңип, англис тилин үйрөнүү замандын талабы болуп калды. Андыктан бүгүн биз сиздер үчүн  Бишкек шаарындагы англис тили курстарынын тизмесин түзүүнү чечтик. Тизмеде стандарттуу курстардын бир айлык акысы, IELTS жана TOEFL сынактарына даярдоочу курстардын жалпы баасы, мекеменин жайгашкан жери жана байланыш телефондору көрсөтүлгөн.

Испаниянын Basque Country университетинен илимдин доктору окумуштуулук даражасын алган бишкектик Мээрим

09/04/2021, 11:30
Мээрим Сыдыкова Испаниянын Basque Country университетинен илимдин доктору окумуштуулук даражасын алган. Учурда ал Испаниядагы консалтингдик компаниялардын биринде иштейт. Бул компания улуттук жана аймактык өнүгүү стратегияларын жана программаларын иштеп чыгуу жана аларды жүзөгө ашыруу боюнча көптөгөн өлкөлөрдүн өкмөттөрүнө жана эл аралык уюмдарга кызмат көрсөтөт. Мээрим бир учурда 3 университеттен грант утуп алып, алардын арасынан Basque Country университетин тандап алган. Каарманыбыз төмөндөгү маекте эмне себептен бул университетке токтолгондугу жана Европада кантип бекер билим алса болору тууралуу кеңири баяндап берди.

Улуу Британиянын жогорку окуу жайларына кантип тапшырса болот? Чыгыш Англия университетинин магистри Чубак Темиров жооп берет

08/04/2021, 15:52
Чубак Темиров Ысык-Көл облусунун Кызыл-Суу айылынан болот. Ал бала кезинен эле өзүн класстык жана класстан сырткаркы иш-чараларда активдүү көрсөтүп келген. Бишкек шаарындагы окуу жайлардын бирин ийгиликтүү аяктаган соң Улуу Британиянын Чыгыш Англия университетине магистратурага тапшырып, жеткирүү тармагын башкаруу жана логистика багыты боюнча билим алган. Учурда КРдин Жогорку технологиялар паркында иштеп, өлкөбүздө IT тармагынын өнүгүүсүнө салым кошуп келет. Бүгүн биз Чубак менен чет өлкөлүк окуу жайларга стипендиялык негизде тапшыруу үчүн талапкер кандай талаптарга жооп берүүсү керек экендиги туурасында баарлаштык. Эгер сиз дагы чет өлкөгө окууга тапшырууну пландап жүргөн болсоңуз, анда бул макала сиз үчүн!

Америкалык Tribeca-2020 кинофестивалында “Мыкты актриса” аталган кыргызстандык Ассоль Абдуллина

07/04/2021, 09:50
Ассоль Абдуллина – театр жана кино актрисасы. Ал өткөн жылы Materna тасмасында жараткан ролу үчүн  абройлуу Tribeca Film Festival 2020 фестивалында “Мыкты актриса” наамына татыктуу болгон. Каарманыбыздын бул ийгиликке кантип жеткендиги жана эмне себептен киноиндустриясын тандап алгандыгы тууралуу төмөндөгү маектен биле аласыз.

Эмираттарда тейлөө тармагында иштеп жүрүп, жапониялык Nikken Sekkei компаниясынын координаторлугуна чейин жеткен кажы-сайлык Гүлжамал

06/04/2021, 10:29
“Эгер карьера курууну олуттуу пландап жаткан болсоңуз, анда дароо эле жоопкерчилик ала билүү жөндөмүңүздү көрсөтүшүңүз керек”,- деп кеңеш берет бүгүнкү каарманыбыз Гүлжамал Урманбетова. Ал дүйнөдөгү мыкты архитектуралык компаниялардын тизмесинин сап башында турган жапониялык Nikken Sekkei компаниясынын долбоорлор боюнча координатору.  Каарманыбыз университетти аяктагандан кийин Бириккен Араб Эмираттарына тейлөө тармагындагы катардагы жумушчу катары кетип, талыкпаган эмгектин жана өжөр мүнөзүнүн аркасында ири компанияга координатор болуп ишке орношо алган.

Huddersfield университетинин магистри, Deloitte консалтингдик жана аудитордук компаниясынын кызматкери Алтынай Келгенбаева тажрыйбалары менен бөлүшөт

05/04/2021, 11:32
Алтынай Келгенбаева аудитордук жана консалтингдик кызматтарды сунуштаган ири компаниялардын бири Deloitte’тун Лондондогу кеңсесинде иштейт. Бала кезинен эле китепке жакын өскөн Алтынай француз тили мугалиминин кеңеши менен Жусуп Баласагын атындагы КУУнун Кыргыз-Европа факультетине тапшырат. Ал жактан Erasmus Mundus стипендиялык программасы аркылуу Италияда бир жыл окуп келүү мүмкүнчүлүгүнө ээ болгон. Андан соң Англиядагы Huddersfield университетине стипендиялык негизде тапшырып, магистр даражасын алган. Бүгүн биз Алтынай менен балалыгы, чет өлкөдө билим алуу жана Deloitte компаниясындагы жумушу тууралуу баарлаштык.
Следите за нашими публикациями оперативно в Twitter и Facebook
Закрыть